أثار تواجد الكوميدي شرف السرجاني كصحافي في الندوة الخاصة بلبؤات الأطلس المشاركات في مونديال السيدات أستراليا ونيوزلندا، التي عقدت أمس الأحد (23 يوليوز)، جدلا على مواقع التواصل الاجتماعي خلال الساعات القليلة الماضية.

وتساءل صحافيون عن كيفية حصول صاحب دمية “دريويتشي” على اعتماد من أجل تغطية فعاليات كأس العالم للسيدات التي يشارك فيها المنتخب الوطني النسوي لأول مرة في تاريخه.

صحافي بالجمعية

وفي اتصال مع موقع “كيفاش” رد خريج برنامج “ستاند اب” على الضجة التي لاحقت صوره من الندوة الصحافية للبؤات.

وأكد المتحدث أنه حصل على الاعتماد بشكل قانوني، لافتا إلى أنه يتوفر على بطاقة صحافية من إحدى جمعيات الصحافيين، وقال: “بالنسبة لبعض الصحافيين اللي كيقولو كيفاش نتا ماشي صحافي ودخلتي للندوة، الفيفا ما معاهاش اللعب الناس ضابطين أمورهم، والبادج اللي خديت بادج قانوني حيث أنا كنمثل جريدة وملي كنت فمونديال قطر بديت كنشتغل معاهم وأنا عضو فجمعية ديال الصحافيين وجاي قانوني”.

وتابع الفنان: “عندي غي بطاقة مهنية ماشي ديال مجلس الصحافة، وملي ندخل للمغرب غادي نخدم عليها وغادي ندفع ليها”.

وبخصوص مدة توفره على البطاقة الصحافية، قال “مول القرد”: “عندي بطاقة صحافية من المونديال ديال قطر والمسائل ديالي مقادة وأنا فالميدان ديال الصحافة من شحال هادي”. وأشار إلى أنه “مللي كنت فقطر كانت عندي علاقة طيبة مع ناس كبار ديال الفيفا حيث كنت كندير عروض للأطفال فابور فقطر”.

وتوجه الكوميدي برسالة إلى الصحافيين جاء فيها: “هذا ميساج لبعض الصحافيين أنك أخويا ايلا ما تعطاتكش فرصة را كاين واحد آخر تعطاتو فرصة حيث استثمر فراسو وأنا ماشي مؤثر أنا فنان كوميدي مغربي وتابع لمؤسسة عريقة اللي هي وزارة الثقافة، وجاي لأستراليا كنأدي الواجب ديالي اللي كنمثل فيه الصحيفة الالكترونية اللي كنشتغل معاها”.

وأشار المتحدث في الاتصال ذاته إلى أن تكاليف رحلته إلى أستراليا من ماله الخاص، مشددا على أنه “يستثمر في نفسه”. وتابع: “أنا جاي لأستراليا خدام ندير فيديوهات ديالي وأنا استثمرت فراسي خلصت على راسي ماشي بحال باقي المؤثرين”.

بوليميك مهني

وفي تدوينة لها على فايسبوك علقت حنان رحاب، القيادية بالنقابة الوطنية للصحافة، على ظاهرة الاعتماد على المؤثرين في تغطية تظاهرات عالمية.

وكتبت: “اليوم الزملاء ديالنا يتساءلون أين المجلس الوطني للصحافة وأين النقابة الوطنية للصحافة المغربية في واقعة مشاركة ” المخربين /ماشي مؤثرين” كصحافيين في تغطيات منديال استراليا.. مزيان بزاف هذا السؤال وحنا معاكم فيه.. وندين مشاركة هؤلاء وحملهم لشارات الصحافة.. ولكن.. سمحموا ليًا”.

وأضافت: “اجي نسولكم ونكونوا صرحاء مع بعضنا : واش ماشي حنا اللي قابلين علينا هذا الذل “اللي اصيب المهنة” … كيفاش بجمعيات هي اللي تعطي الحق في تغطية المباريات واللي عنده بطاقة الجمعية و يمكن يصبح غدا صحافيا وسط الملعب … جاوبنا واش ماشي من هنا غادي يدخلونا ” المخربين ماشي المؤثرين “.

وتساءلت: “اجي نسولكم.. علاش تتقبلوا يكون في تغطيات واحد ليس لديه بطاقة صحافة مهنية جالس حداكم داير بادج ديال الصحافة وعنده اعتماد ديال شي جمعية ولا ديال شي مؤسسة مجهولة.. ماهي حتى ديال موقع اخباري…”.